Infinite Menus, Copyright 2006, OpenCube Inc. All Rights Reserved.
 


ММДЧП го осудува Фејсбук заради активно промовирање на антимакедонски расизам

26 февруари, 2018

Read this page in English

Отпечати ја страницата

Facebook Македонското меѓународно движење за човекови права го објавува своето ТРЕТО соопштение за јавност, со барање Фејсбук веднаш да престане со своите флагрантни антимакедонски политики. Шокантно е што Фејсбук одбра да му помогне на најозлогласениот противник на човековите права на Македонија, Грција, во нивното оспорување на постоењето на македонската нација.

Кога македонските корисници на Фејсбук се жалат на нескриениот расизам со кој се соочуваат во рацете на Грците, Бугарите и Албанците, Фејсбук никако не реагира. Твитер, од друга страна, презема чекори да ги одбрани Македонците од таквата омраза. Наспроти ова, кога Грците изразуваат огорченост од самото постоење на Македонците, Фејсбук презема дејствија против потчинетите.

Вторпат за помалку од два месеци, на Ник Петровски, Македонец од Сиднеј, Австралија, му е суспендиран Фејсбук профилот само заради тоа што тој го брани своето право да биде тоа што е - Македонец. Во
нашето соопштение за јавност од 22-ри јануари, 2018 се гледа дека профилот на господинот Петровски е суспендиран само затоа што тој укажува дека Македонија НЕ Е грчка. Ако се следи логиката на Фејсбук, би се очекувало тие веднаш да ја осудат Универзалната декларација за човекови права на Обединетите Нации и сите други конвенции за човекови права со кои се бранат етничките групи од омраза и културен геноцид.

„Сите одвратни нешта со кои ме нарекувале Грците и кои сум ги пријавил изгледа не се спротивни на „Правилата на користење на Фејсбук“. Јас, пак, ги прекршувам правилата со тоа што ги бранам своите најосновни човекови права. Зошто имате двојни стандарди, Фејсбук? Зошто отворено го поддржувате расизмот против Македонците?“, прашува Ник Петровски.

Фејсбук, ние ИНСИСТИРАМЕ веднаш да одговорите на прашањето на господинот Петровски, и веднаш да ги повлечете своите расистички политики.

Според таканаречените „правила за користење“, „ги повлекуваме објавите со кои се напаѓаат луѓе врз основа на нивната раса, етничка припадност, национално потекло, верски убедувања, сексуална ориентација, пол, или инвалидитет.“

Вистината е, Фејсбук, дека вие не го правите тоа. Кога Македонците се жалат, не преземате ништо. Грците и Бугарите го присвојуваат културниот идентитет на Македонците, а вие слепо паѓате на нивните расистички тактики. Една етничка група не може да има два етнички идентитета. Македонците не ги напаѓаат Грците или Бугарите за тоа што се Грци или Бугари. Всушност, Македонците не напаѓаат никого. Македонците го бранат единствениот етнички идентитет кој воопшто некогаш сме го имале против присвојувањето на нашата култура кое го прават нашите потчинители.

Фејсбук, бараме да дејствувате веднаш, да се извините, и да ги смените вашите антимакедонски политики на омраза. Придржувајте се кон своите декларативни принципи.

Македонци, придружете се кон нашиот повик за итна реакција на Фејсбук. Придружете се кон нашата кампања
#НашетоИмеЕМакедонија во одбрана на Македонија и Македонците, а со цел итно прекинување на антимакедонските преговори за името. НАШЕТО ИМЕ Е МАКЕДОНИЈА. Инсистирајте да се почитува.

###

Македонското меѓународно движење за човекови права (ММДЧП) активно работи на полето на човекови и национални права на Македонците и другите обесправени народи од своето основање во 1986 година. За повеќе информации: 1-416-850-7125,
info@mhrmi.org, www.mhrmi.org, twitter.com/mhrmi, facebook.com/mhrmi, mhrmi.org/OurNameIsMacedonia.




 
Join Us Videos Follow Us





ACT NOW and SHARE

Macedonian newspaper
in Albania

Proudly supported by MHRMI

MHRMI needs your support

Can you spare a dollar a day for Macedonian human rights?
The Macedonian human rights movement in all parts of Macedonia is stronger and showing more potential than ever, but we need your help to continue our progress. Get involved. Volunteer. Donate. Join the MHRMI Dollar a Day fund and make a difference.

You can make a difference for Macedonians struggling to achieve their human rights. Please do it today. Thank you for your support.

Search the Web
Search the MHRMI Archives
 
© 1997-2018 Macedonian Human Rights Movement International - All Rights Reserved.
This website is hosted and under development by: TJ-Hosting