Статија од Федералната унија на европски националности (ФУЕН):

Најновиот прилог во Монитор за малцинства на ФУЕН се фокусира на состојбата на македонското малцинство во Албанија и на долгогодишните напори на ФУЕН за обезбедување заштита на нивните права. Статијата се потпира на шест резолуции на ФУЕН поднесени помеѓу 2016 и 2024 година од страна на членката на ФУЕН, Македонското друштво „Илинден“ - Тирана, истакнувајќи ги постојаните празнини помеѓу законските гаранции и реалното спроведување на малцинските права.

Иако Албанија формално го призна македонското малцинство според Законот за заштита на националните малцинства од 2017 година, заедницата продолжува да се соочува со дискриминација и слабо спроведување на постојното законодавство. Признавањето останува во голема мера ограничено на регионот Мала Преспа/Пустец, при што Македонците во Голо Брдо и Гора доживуваат значително помала заштита во употребата на јазикот, образованието и политичкото учество. Овие недоследности одразуваат поширок јаз помеѓу законот и практиката во пристапот на Албанија кон малцинските права.

Статијата, исто така, ја истражува историјата и политичката положба на македонското малцинство, следејќи како административните реформи и ограничената застапеност ја продлабочиле маргинализацијата. И покрај обврските на Албанија според Рамковната конвенција на Советот на Европа за заштита на националните малцинства и други меѓународни инструменти, телата за следење продолжуваат да забележуваат бавен напредок и нееднаква имплементација на правата низ регионите.

ФУЕНја повикува албанската влада целосно да го спроведе Законот за малцинства и да ги усвои се уште недонесените подзаконски акти неопходни за негово спроведување. Исто така, ги повикуваме националните власти да ги зајакнат институционалните механизми за заштита на малцинствата и да обезбедат фер пристап до образование, култура и политичко учество за сите македонски заедници низ цела Албанија.

Со овој текст, Minority Monitor уште еднаш го истакнува јазот помеѓу законското признавање и голата реалност и ја потврдува мисијата на ФУЕН да обезбеди еднакви права и вистинска вклученост за националните и јазичните малцинства во Европа.

Прочитајте ја целата статија тука: Помеѓу законот и реалноста - борбата на македонското малцинство во Албанија