ММДЧП го осудува потегот на Врховниот суд на Грција за одолговлекување на постапката за укинување на бришењето од регистерот на Центарот за македонски јазик во Егејска Македонија
Центарот за македонски јазик во Грција, организација што го зачувува и негува македонскиот јазик како автохтон јазик во Грција, беше распуштен од Апелациониот суд во Кожани на 13 август 2024 година. Организацијата веднаш поднесе жалби до Врховниот суд на Грција за поништување на одлуката за распуштање, а рочиштето беше закажано за 21 септември 2026 година.
Наместо тоа, Врховниот суд ги одложи рочиштата за 20 септември 2027 година, со што го одолговлекува процесот за укинување на бришењето од регистарот во очигледен обид дополнително да се потиснат македонскиот јазик и изразувањето на македонскиот идентитет, во согласност со официјалната политика на Грција за негирање на постоењето на Македонците.
Македонците во Грција живеат во непријателска средина во која нивните основни човекови права се под постојан напад и се изложени на секојдневен говор на омраза од страна на грчките политичари, медиумите и јавноста – појава што алармантно се засили по основањето на Центарот, а особено по принудното спроведување на „Договорот од Преспа“ што резултираше со принудна промена на името на Република Македонија.
Таканаречениот „договор“, според член 7 став 2, експлицитно го негира постоењето на Македонците во Грција, помагајќи ѝ на политиката на земјата за непризнавање и културен геноцид врз Македонците.
Македонското меѓународно движење за човекови права (ММДЧП)ги осудува гореспоменатите постапки и бара меѓународната заедница конечно да преземе мерки за нивно запирање, наместо само декларативно да се повикува на меѓународното право додека активно вршат тешки прекршувања на човековите права.
Дополнителни информации:
https://mhrmi.org/vesti/macedonian-language-centre-in-aegean-macedonia-appeals-for-financial-support-for-two-upcoming
Македонското меѓународно движење за човекови права (ММДЧП) активно работи на полето на човекови и национални права на Македонците и другите обесправени народи од своето основање во 1986 година. За повеќе информации: 1-416-850-7125, info@mhrmi.org, mhrmi.org, twitter.com/mhrmi, facebook.com/mhrmi, instagram.com/MacedonianHumanRights #НашетоИмеЕМакедонија