Соопштение за медиумите
Соопштение за медиумите
Обновен весникот на македонското малцинство во Албанија
Весникот "Преспа", гласило на Сојузот на Македонците во Албанија, повторно се печати благодарение на финансиската помош на Македонското меѓународно движење за човекови права и Австралиско-македонскиот комитет за човекови права.Многу сме благодарни за помошта од ММДЧП и АМКЧП. Новото издание на весникот веќе е раздадено низ Албанија, секаде каде што живеат Македонци. Ние веруваме дека примерот на ММДЧП и АМКЧП ќе биде следен од други македонски организации од целиот свет. Нашата благодарност ќе биде покажана на првата страница од следното издание на весникот, истакна Ефтим Митревски, уредник на "Преспа”.
Нашето време е СЕГА. Помогнете. Донирајте. Вклучете се уште денес во акцијата По еден долар на ден за ММДЧП или во Фонд на АМКЧП за поддршка на македонските малцинства.
###
Македонското меѓународно движење за човекови права (ММДЧП) активно работи на полето на човекови и национални права на Македонците и другите обесправени народи од своето основање во 1986 година. За повеќе информации: www.mhrmi.org, twitter.com/mhrmi, facebook, info@mhrmi.org, 1-416-850-7125.
Основан во 1984 година, Австралиско-Македонскиот комитет за човекови права (АМКЧП) е невладина организација која се залага за информирање на влади, меѓународни институции и пошироката јавност / заедници за борбата против дискриминацијата и промовирање на основните човекови права. Нашиот стремеж е да се осигура дека македонските заедници како и другите исклучени групи низ целиот свет се признати, почитувани и уживат во правичен третман. За повеќе информации, посетете ја www.macedonianhr.org.au, или контактирајте со АМКЧП на info@macedonianhr.org.au, или на телефон +61 3 93298960.