Соопштение за медиумите
Соопштение за медиумите
ММДЧП го осудува малтретирањето на борецот за човекови права Панајот Димитрас од страна на Грција
Во одговор на барањето на Меѓународниот секретаријат на Светската организација против тортура за итна интервенција (www.omct.org), Македонското меѓународно движење за човекови права го осудува судското малтретирање на борецот за човековите права и портпарол на Грчкиот хелсиншки комитет, Панајот Димитрас.Димитрас беше обвинет за клеветење и оцрнување на Константинос Плеврис, член на Адвокатската комора на Атина и автор на анти-семитската книга "Евреите: Целата вистина", во која што го величи Хитлер и повикува на истребување на Евреите. Во 2009 година, Димитрас бил сведок во судскиот процес во кој Плеврис во првостепена постапка доби условна казна од 14 месеци за "повикување на расно насилство, ширење омраза и за навреди на расна основа". Другите тројца обвинети беа ослободени од истите обвиненија. Г-дин Плеврис поднесе жалба на казната и беше ослободен од обвинението.
Во своја одбрана пред да започне судењето, Плеврис го обвини Димитрас дека е "беден предавник на Грција, кој што активно и јавно го поддржува постоењето на македонското малцинство во оваа земја", и да биде "предмет на жалба за предавство против Татковина". Исто така, Плеврис тврди дека Андреа Гилберт, специјалист за анти-семитизам во Грчкиот хелсиншки комитет, е "Еврејка-Американка, која што ги застапува правата на жените хомосексуалки, што значи дека таа е психички нездрава и сексуално перверзна личност и која што не ја почитува женската природа, па аналогно на тоа, не ја почитува ни вистината".
Наместо да гони адвокати, политичари, верски водачи и други лица кои што отворено се истакнуваат со расизам, хомофобија и анти-семитизам, политичари, верски лидери и други, Грција се реши да гони бранители на малцинствата и на нивните права.
ММДЧП, наместо да бара реакција од грчките власти кои што го вршат прогонството, бара од меѓународната заедница да ја осуди грчката пракса да ги малтретира малцинствата и бранителите на човековите права и да побара од Грција одговорност за прекршување на разни спогодби за човекови права на кои што и самата е потписник.
###
Македонското меѓународно движење за човекови права (ММДЧП) активно работи на полето на човекови и национални права на Македонците и другите обесправени народи од своето основање во 1986 година. За повеќе информации: www.mhrmi.org, www.twitter.com/mhrmi, www.facebook.com/mhrmi, info@mhrmi.org, +1 416-850-7125.