Македонско меѓународно движење за човекови права - Соопштение за медиумите

Торонто, Канада - Македонското меѓународно движење за човекови права (ММДЧП) и' се заблагодарува на канадската влада за признавањето на уставното име на Република Македонија.

"Оваа одлука ќе придонесе за поголема стабилност во Република Македонија, во балканскиот регион и за македонските малцинства во соседните земји. Грција се спротивставува на името Македонија, како дел од нивната стратегија на неприфаќање и гонење на големото македонско малцинство во нивната земја. Канада уште еднаш ја докажа својата принципиелност во доменот на човековите права", изјави претседателот на ММДЧП, Бил Николов.
За повеќе информации во врска со ова прашање, погледнете го Годишниот извештај за 2006 година - Македонското малцинство во Грција, објавен од страна на ММДЧП: www.mhrmi.org/news/2006/april03_e.asp.

###

Македонско меѓународно движење за човекови права (ММДЧП) активно работи на прашањата за човековите права на Македонците и другите обесправени народи од 1986 година. Нејзината главна цел е да се борат за сите основни човекови и национални права, вклучувајќи го правото за слобода на говор и здружување, и да ги подржат демократските начела за сите етнички Македонци и други обесправени народи. За повеќе информации, ве молиме контактирајте го ММДЧП на телефон 1-416-850-7125, или на е-маил: info@mhrmi.org.