Македонско меѓународно движење за човекови права (ММДЧП) / Австралиско-Македонски комитет за човекови права (АМКЧП) - Соопштение за медиумите

Торонто, Канада и Мелбурн, Австралија - Грчки нео-нацисти ги напаѓаат Македонците. Многу големи изборни нерегуларности на штета на партијата на македонското малцинство. Дали Европската Унија конечно ќе преземе конкретни мерки и ќе ја казни Грција, или и натаму ќе продолжи да ги затвора очите и да им ги врзува рацете на своите членки изаради грчката ксенофобична политика?

Помеѓу овие два неодамнешни настани, се случи и Заменик претседателот на Европската Комисија, Жак Баро, да ја нарече Република Македонија со името "Северна Македонија". Изгледа како Европската Унија дури и дека ја подржува грчката екстремно-националистичка агенда.

Грција одбива да го признае постоењето на етнички Македонци и уставното име на Република Македонија. Од тие причини, Грција стави вето на македонскиот влез во НАТО во 2008 година, нејзиното економско ембарго ја осакати македонската економија во 1992, а прогонувањето на своето македонско малцинство предизвикува осуда од целиот свет, вклучувајќи и еден извештај од Обединетите Нации и неколку пресуди против Грција од страна на Европскиот суд за човекови права.

Сепак, станува очигледно дека Европската Унија им дозволува на своите членки, особено на Грција, да ги игнорираат пресудите од Европскиот суд за човекови права без страв од казнување.

Грчките нео-нацисти ги злоупотребуваат расистичкиот став на грчката влада и неодговорноста на Европската Унија. На 2 Јуни, 2009 година, нео-нацисти нападнаа Македонци и други пристуни на промоцијата на Македонско/грчки речник во просториите на Меѓународната прес служба во Атина. Погледни го Извештајот на Еуроланг и видеоклипот на YouTube, на кој што е прикажан нападот.

Партијата Виножито учествуваше на изборите за Европскиот парламент, на 7 Јуни, 2009 година, иако беше создаден непријателски амбиент за претставниците на македонското малцинство. И покрај законската обврска на медиумите, пристапот до нив не беше дозволен, беа малтретирани активисти на Виножито, беа конфискувани постери од партијата, летоци и Ди-Ви-Ди-ја, а бројни гласачки ливчиња беа уништени.

Според одлуката на ОБСЕ, беше формирана група од експерти кои што ќе ги оценуваат изборите од 4-7 јуни за Европскиот Парламент, но без да ги набљудуваат самите избори на изборниот ден.

Насе Парисис, член на Виножито и Претседател на гркиот комитет на ЕБЛУЛ (Европско биро за помалку употребувани јазици), изјави:

"Иронично е што немаше непосредно набљудување на нерегуларностите на изборите, бидејќи Грција, како членка на Европската Унија, треба да биде "модел" и да биде следен од земјите во развој и од новите демократии. Потенцијалните членки на ЕУ се изложени на многу строги контроли за време на нивните избори. На сегашните членки на Европската унија не смее да им се дозволи одржување на нерегуларни избори".

Македонско меѓународно движење за човекови права и Австралиско-Македонски комитет за човекови права бараат:

1. Европската Заедница да ја казни Грција и да ги присили дав ги применуваат одлуките донесени од страна на Европскиот суд за човекови права.
2. Македонија да ги прекине сите преговори со Грција за спорот со името
3. Меѓународната заедница веднаш да го признае македонското уставно име

###

Македонското меѓународно движење за човекови права (ММДЧП) активно работи на прашањата за човековите права на Македонците и другите обесправени народи од 1986 година. За повеќе информации, посетете го сајтот www.mhrmi.org, или контактирајте го ММДЧП на телефон 1-416-850-7125, или на е-маил: info@mhrmi.org.

Формиран во 1984, Австралиско-Македонскиот комитет за човекови права (АМКЧП) работи на остварување на човековите права за Македонците и останатите угнетени малцинства. За повеќе информации, посетете ја страницата www.macedonianhr.org.au, или контактирајте го АМКЧП на телефон +61 3 9460 2910, или на е-маил: mail@macedonianhr.org.au.